ಮೇಷ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
ಮೇಷ ರಾಶಿಯ ಪುರುಷರು ಮತ್ತು ಮಹಿಳೆಯರಿಗೆ ವರ್ಷದ ಮೊದಲ ಸೂರ್ಯಗ್ರಹಣ ಮಿಶ್ರ ಫಲವನ್ನು ನೀಡುತ್ತದೆ. ಈ ಸೂರ್ಯಗ್ರಹಣ ಮೇಷ ರಾಶಿಯವರ ಜೀವನದಲ್ಲಿ ತ್ವರಿತವಾಗಿ ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ಸಹಾಯ ಮಾಡುತ್ತದೆ. ಮತ್ತೊಂದೆಡೆ, ನೀವು ಗೊಂದಲಕ್ಕೊಳಗಾಗಬಹುದು. ನೀವು ಒಂದು ಹೆಜ್ಜೆ ಮುಂದೆ ಇಟ್ಟಂತೆ ಮತ್ತು ಎರಡು ಹೆಜ್ಜೆ ಹಿಂದಕ್ಕೆ ಹೋದಂತೆ ಭಾಸವಾಗುತ್ತದೆ. ನಿಮ್ಮ ವೈಯಕ್ತಿಕ ಜೀವನದಲ್ಲಿ ನೀವು ತೊಂದರೆಗಳನ್ನು ಎದುರಿಸಬಹುದಾದ ಕೆಲವು ಸಾಧ್ಯತೆಗಳಿವೆ. ನಿಮ್ಮ ಮನಸ್ಸನ್ನು ಶಾಂತಿವಾಗಿಟ್ಟುಕೊಳ್ಳಲು ತಾಳ್ಮೆಯಿಂದ ವರ್ತಿಸುವುದು ಹೆಚ್ಚು ಸೂಕ್ತವಾಗಿದೆ.
ವೃಷಭ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
2023ರ ಸೂರ್ಯಗ್ರಹಣ ವೃಷಭ ರಾಶಿಯವರಿಗೆ ಬಹಳಷ್ಟು ನೀಡುತ್ತದೆ. ನಿಮ್ಮ ಜೀವನದಲ್ಲಿ ಬದಲಾವಣೆಗಳನ್ನು ತರುತ್ತದೆ. ನಿಮ್ಮನ್ನು ಕೆರಳಿಸುವ ಸಂದರ್ಭಗಳಿಂದ ದೂರವಿರಿ. ನೀವು ವಿಶೇಷವಾಗಿ ನಿಮ್ಮ ವೃತ್ತಿಪರ ಜೀವನದಲ್ಲಿ ಉತ್ತಮ ಕೆಲಸ ಮತ್ತು ಕಾರ್ಯಗಳನ್ನು ಮುಂದುವರಿಸುವುದಾಗಿ ನಿರ್ಧರಿಸಿ. ಯಾವುದೇ ಕೆಲಸ ಮಾಡುವ ಸಾದಕ ಬಾದಕಗಳನ್ನು ಚೆನ್ನಲಾಗಿ ಅವಲೋಕಿಸಿ. ಆರ್ಥಿಕ ಜೀವನ ಉತ್ತಮವಾಗಿರುತ್ತದೆ. ಕೆಲಸದಲ್ಲಿ ಯಾವುದೇ ಒತ್ತಡ ಇರುವುದಿಲ್ಲ. ಒಂದು ವೇಳೆ ಇದ್ದರೂ ಅದನ್ನು ಸಲೀಸಾಗಿ ನಿಭಾಯಿಸುವಂತ ಶಕ್ತಿಯಿರುತ್ತದೆ.
ಮಿಥುನ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
2023ರಲ್ಲಿ ಸೂರ್ಯಗ್ರಹಣದ ಪರಿಣಾಮಗಳು ಮಿಥುನ ರಾಶಿಯ ಸ್ಥಳೀಯರಿಗೆ ಋಣಾತ್ಮಕಕ್ಕಿಂತ ಹೆಚ್ಚು ಧನಾತ್ಮಕವಾಗಿರುತ್ತದೆ. ಆರ್ಥಿಕವಾಗಿ ನೀವು ಏಳಿಗೆ ಹೊಂದುವಿರಿ. ನಿಮ್ಮ ವೈಯಕ್ತಿಕ ಜೀವನದಲ್ಲಿ ನೀವು ಸಮಸ್ಯೆಗಳನ್ನು ಎದುರಿಸುವ ಸಣ್ಣ ಅವಕಾಶಗಳಿವೆಯಷ್ಟೆ. ಗ್ರಹಣದ ಅವಧಿಯಲ್ಲಿ ನಿಮ್ಮ ಸಂಗಾತಿಯೊಂದಿಗೆ ವಾದಕ್ಕೆ ಮುಂದಾಗದಿರಿ. ನಿಮ್ಮ ಆರೋಗ್ಯವನ್ನು ಪರೀಕ್ಷಿಸುತ್ತಿರಿ. ಏಕೆಂದರೆ ಈ ಸಂದರ್ಭದಲ್ಲಿ ನಿಮ್ಮ ಆರೋಗ್ಯದಲ್ಲಿ ಏರುಪೇರಾಗುವ ಸಾಧ್ಯತೆಗಳು ಇವೆ.
ಕಟಕ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
ಕಟಕ ರಾಶಿಯವರಿಗೆ ಗ್ರಹಣ ಸಮಯದಲ್ಲಿ ಇತರರಿಂದ ಬೆಂಬಲ ಬೇಕಾಗಬಹುದು. ಕಟಕ ಪುರುಷರು ಮತ್ತು ಮಹಿಳೆಯರಿಗೆ 2023 ರ ಸೂರ್ಯ ಗ್ರಹಣ ಶುಭಫಲವನ್ನು ನೀಡುವ ಅವಧಿಯಾಗಿದೆ. ನೀವು ನಿಮಗಾಗಿ ಬದುಕುವುದನ್ನು ಕಲಿಯಬೇಕು. ಇತರರಿಗಿಂತ ಹೆಚ್ಚಿನ ಪ್ರಯತ್ನಗಳನ್ನು ಒಳಗೊಂಡಿರುವ ಕೆಲಸಗಳನ್ನು ಮಾಡುತ್ತೀರಿ. ಒಟ್ಟಾರೆಯಾಗಿ ಈ ಗ್ರಹಣ ದೀರ್ಘಾವಧಿಯಲ್ಲಿ ನಿಮ್ಮನ್ನು ಸ್ವತಂತ್ರಗೊಳಿಸುತ್ತದೆ. ಮತ್ತೊಂದೆಡೆ ನೀವು ಕೆಲವು ಆರೋಗ್ಯ ಸಮಸ್ಯೆಗಳನ್ನು ಎದುರಿಸಬಹುದು. ಆದ್ದರಿಂದ ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿವಹಿಸಿ.
ಸಿಂಹ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
2023ರ ಸೂರ್ಯಗ್ರಹಣ ಸಿಂಹ ರಾಶಿಯವರಿಗೆ ರಾಜಿ ಮಾಡಿಕೊಳ್ಳುವ ಸ್ವಾಭಾವವನ್ನು ದಯಪಾಲಿಸಲಿದೆ. ನಿಮ್ಮ ಸುತ್ತಲಿನ ಜನರನ್ನು ನೀವು ಗೌರವಿಸುತ್ತೀರಿ. ಕೆಲವು ಜನರ ಬಗ್ಗೆ ತಪ್ಪು ಊಹೆಗಳನ್ನು ನೀವು ಮಾಡಬಹುದು. ದಂಪತಿಗಳ ನಡುವೆ ತಪ್ಪು ತಿಳುವಳಿಕೆ ಇರಬಹುದಾದ್ದರಿಂದ ಕೆಲವು ಪರಿಣಾಮಗಳನ್ನು ನೋಡಬಹುದು. ಮೂಡಿಯಾಗಿರುವುದು ನಿಮ್ಮ ಜೀವನದ ಮೇಲೆ ಪರಿಣಾಮ ಬೀರಬಹುದು. ಏಕೆಂದರೆ ಅತಿಯಾಗಿ ಯೋಚಿಸುವುದು ನಿಮ್ಮ ಜೀವನದಲ್ಲಿ ಅಸಾಮಾನ್ಯ ರೀತಿಯಲ್ಲಿ ನಿಮ್ಮನ್ನು ತೊಂದರೆಗೊಳಿಸುತ್ತದೆ.
ಕನ್ಯಾರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
ಕನ್ಯಾ ರಾಶಿಯವರಿಗೆ 2023ರ ಸೂರ್ಯಗ್ರಹಣ ಹೆಚ್ಚು ಅನುಕೂಲಕರವಾಗಿರುವುದಿಲ್ಲ. ಅವರು ನಿಮ್ಮ ಕಾರ್ಯಕ್ಷೇತ್ರದಲ್ಲಿ ಕೆಲವು ತೊಂದರೆಗಳನ್ನು ನೋಡುವ ಸಾಧ್ಯತೆಯಿದೆ. ಇದೇ ಹಣಕಾಸಿನಲ್ಲಿ ಪ್ರತಿಫಲಿಸುತ್ತದೆ. ಇದಲ್ಲದೆ ನಿಮ್ಮ ಕುಟುಂಬ ಮತ್ತು ಸಂಬಂಧಗಳ ಮೇಲೆ ಈ ಘಟನೆಯ ಪರಿಣಾಮಗಳನ್ನು ಸಹ ನೀವು ನೋಡಬಹುದು. ಕ್ಷುಲ್ಲಕ ವಿಷಯಗಳು ಮತ್ತು ಅನುಪಯುಕ್ತ ಚರ್ಚೆಗಳಿಂದ ನಿಮ್ಮ ಮನಸ್ಸನ್ನು ಹಾಳು ಮಾಡಿಕೊಳ್ಳುವ ಸಾಧ್ಯತೆಗಳು ಹೆಚ್ಚು. ಜೊತೆಗೆ ಸಾರ್ವಜನಿಕವಾಗಿ ಮಾತನಾಡುವಾಗ ಮಾತಿನ ಬಗ್ಗೆ ಹೆಚ್ಚು ಗಮನವನ್ನು ಹರಿಡುವುದು ಒಳ್ಳೆಯದು.
ತುಲಾ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
ಈ ಸೂರ್ಯಗ್ರಹಣ ತುಲಾ ರಾಶಿಯವರಿಗೆ ಏಕಾಂಗಿತನವನ್ನು ತಂದೊಡ್ಡಬಹುದು. ಈ ಸಮಯದಲ್ಲಿ ನೀವು ಏಕಾಂಗಿಯಾಗಿರಲು ಬಯಸುವಿರಿ. ಮನೆಯಲ್ಲಿ ಸಂತೋಷದ ವಾತಾವರಣ ಇರುತ್ತದೆ. ಆರ್ಥಿಕವಾಗಿ ಉತ್ತಮವಾಗಿರುತ್ತೀರಿ. ಅದನ್ನು ಬೆಳೆಸಲು ಸಹಾಯ ಮಾಡಲು ಸೂಕ್ತವಾದ ನಿರ್ಧಾರಗಳನ್ನು ತೊಗೆದುಕೊಳ್ಳುವುದು ಉತ್ತಮ. ಯೋಜನೆಗಳು ಕೆಲಸದಲ್ಲಿ ಯಶಸ್ವಿಯಾಗಲು ಸಹಾಯ ಮಾಡುತ್ತದೆ. ನಿಮ್ಮ ಮೇಲಧಿಕಾರಿಗಳು ಮತ್ತು ಹಿರಿಯರ ದೃಷ್ಟಿಯಲ್ಲಿ ನಿಮ್ಮ ಇಮೇಜ್ ಹೆಚ್ಚಾಗುತ್ತದೆ. ಆದಾಗ್ಯೂ, ಆರೋಗ್ಯದ ವಿಷಯದಲ್ಲಿ ಮಕ್ಕಳು ಮತ್ತು ಚಿಕ್ಕ ವಯಸ್ಸಿನವರಿಗೆ ಕೆಲವು ಸಮಸ್ಯೆಗಳು ಬರಬಹುದು.
ವೃಶ್ಚಿಕ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
ಸೂರ್ಯ ಗ್ರಹಣ 2023 ವೃಶ್ಚಿಕ ರಾಶಿಯ ಜನರಿಗೆ ಸಾಕಷ್ಟು ಧನಾತ್ಮಕವಾಗಿರುತ್ತದೆ. ವೃತ್ತಿಪರವಾಗಿ ಮತ್ತು ವೈಯಕ್ತಿಕವಾಗಿ ನಿರ್ಧಾರ ತೆಗೆದುಕೊಳ್ಳುವ ಕೌಶಲ್ಯ ಸುಧಾರಿಸುತ್ತದೆ. ಕುಟುಂಬಸ್ಥರ ಬೆಂಬಲ ಕಠಿಣ ಸಂದರ್ಭಗಳಲ್ಲಿಯೂ ಸಹ ನಿಮ್ಮನ್ನು ಬೆಂಬಲಿಸುತ್ತದೆ. ಆರ್ಥಿಕವಾಗಿಯೂ ನೀವು ಏಳಿಗೆ ಹೊಂದುವಿರಿ. ಕೆಲವು ಸಾಲದ ಸಮಸ್ಯೆಗಳ ಅಡಿಯಲ್ಲಿ ಇರುವವರು ಅದರಿಂದ ಮುಕ್ತರಾಗುತ್ತಾರೆ. ನಿಮ್ಮ ಸುತ್ತಲಿನ ಎಲ್ಲಾ ವಿಷಯಗಳು ಮತ್ತು ಘಟನೆಗಳು ನಿಮ್ಮ ಕುಟುಂಬವನ್ನು ಚಿಂತೆಗೀಡು ಮಾಡಬಹುದು. ನಿಮ್ಮ ವೈಯಕ್ತಿಕ ಜೀವನದ ಮೇಲೆ ಗ್ರಹಣದ ಪರಿಣಾಮಗಳು ಅಷ್ಟಾಗಿ ಸಮಸ್ಯೆಯನ್ನು ತಂದೊಡ್ಡುವುದಿಲ್ಲ.
ಧನು ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
2023 ರ ಸೂರ್ಯಗ್ರಹಣದಿಂದ ಧನು ರಾಶಿಯವರು ಅತಿಯಾದ ಆತ್ಮವಿಶ್ವಾಸವನ್ನು ಹೊಂದಿರುತ್ತೀರಿ. ನೀವು ಕೈಗೊಳ್ಳುವ ಯಾವುದೇ ಕೆಲಸಗಳು ಆರ್ಥಿಕವಾಗಿ ಉತ್ತಮವಾಗಿರುತ್ತದೆ. ಯಾವುದೇ ವಿವಾದ ಮೈಮೇಲೆ ಎಳೆದುಕೊಳ್ಳದಿರಿ. ಇದರಿಂದ ತೀವ್ರ ನಷ್ಟ ಅಥವಾ ಸಮಸ್ಯೆಗಳು ಎದುರಾಗಬಹುದು. ನಿಮ್ಮ ವೃತ್ತಿಪರ ಜೀವನ ಉತ್ತಮವಾಗಿರುತ್ತದೆ. ನಿಮ್ಮ ಕೆಲಸದ ಶ್ರಮವನ್ನು ನೀವು ಪಡೆಯುತ್ತೀರಿ. ಗ್ರಹಣ ಕೆಲಸದಲ್ಲಿ ನಿಮ್ಮ ಇಮೇಜ್‌ಗೆ ಧಕ್ಕೆ ತರುವಂತಹ ಕೆಲಸಗಳನ್ನು ಮಾಡುವಂತೆ ಮಾಡುತ್ತದೆ. ಆದರೆ ನಿಮ್ಮ ಆಪ್ತರು ಮತ್ತು ಕುಟುಂಬದೊಂದಿಗೆ ಸಂಪರ್ಕವನ್ನು ಹಾಳುಮಾಡುತ್ತದೆ. ಆರೋಗ್ಯ ಚೆನ್ನಾಗಿರುತ್ತದೆ.
ಮಕರ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
ಮಕರ ರಾಶಿಯವರಿಗೆ ಈ ಸೂರ್ಯಗ್ರಹಣ ಉತ್ತಮವಾಗಿಲ್ಲ. ಅನಿರೀಕ್ಷಿತ ರಾಜಿಗಳನ್ನು ಮಾಡಿಕೊಳ್ಳಬೇಕಾಗುತ್ತದೆ. ನಿಮ್ಮ ಜೀವನದ ಇತರ ಕ್ಷೇತ್ರಗಳ ಬಗ್ಗೆ ಯೋಚಿಸಲು ಸಮಯವನ್ನು ನೀಡುತ್ತದೆ. ಆರ್ಥಿಕ ಹಿನ್ನೆಡೆಯನ್ನು ನೀವು ಅನುಭವಿಸಬಹುದು. ಕೆಲಸದ ಒತ್ತಡ ಹೆಚ್ಚಾಗಬಹುದು. ವೃತ್ತಿಪರವಾಗಿ ಮತ್ತು ವೈಯಕ್ತಿಕವಾಗಿ ಕೆಲ ತೊಂದರೆಗಳು ಇದ್ದರೆ ಅದನ್ನು ನಿಭಾಯಿಸುವಿರಿ. ವೈಕತ್ರಿ ಜೀವನದಲ್ಲಿ ಕೆಲ ಮಾರ್ಪಾಡುಗಳನ್ನು ನೀವು ಕಾಣಬಹುದು.
ಕುಂಭ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
ನೀವು ಈಗಾಗಲೇ ಇರುವುದಕ್ಕಿಂತ ಹೆಚ್ಚು ರಾಜತಾಂತ್ರಿಕರಾಗಿರುತ್ತೀರಿ. 2023ರ ಸೂರ್ಯಗ್ರಹಣ ನಿಮಗೆ ಹೆಚ್ಚು ವಿವೇಚನಾ ಶಕ್ತಿಯನ್ನು ನೀಡುತ್ತದೆ. ಅದರೊಂದಿಗೆ, ನೀವು ಸಹ ತಾಳ್ಮೆ ಮತ್ತು ಶಾಂತರಾಗುತ್ತೀರಿ. ಆರ್ಥಿಕವಾಗಿ ನೀವು ಏಳಿಗೆ ಹೊಂದುತ್ತೀರಿ ಮತ್ತು ವೃತ್ತಿಯ ವಿಷಯದಲ್ಲಿ ನಿಮಗೆ ಉತ್ತಮ ಅವಕಾಶಗಳು ಇರುತ್ತವೆ. ನಿಮ್ಮ ವೈವಾಹಿಕ ಜೀವನಕ್ಕೆ ಇದು ಉತ್ತಮ ಸಮಯವಲ್ಲ. ಆದ್ದರಿಂದ, ನಿಮ್ಮ ಸಂಬಂಧವನ್ನು ಯಾವುದೇ ಅವ್ಯವಸ್ಥೆಗೊಳಿಸಬೇಡಿ. ಆರೋಗ್ಯದ ಬಗ್ಗೆ ಹೆಚ್ಚು ಗಮನವನ್ನು ಹರಿಸಿ.
ಮೀನ ರಾಶಿಯ ಮೇಲೆ ಸೂರ್ಯಗ್ರಹಣದ ಪರಿಣಾಮಗಳು
ನಿಮ್ಮ ವೈಯಕ್ತಿಕ ಜೀವನವನ್ನು ಸುಧಾರಿಸುವ ಮೂಲಕ, 2023 ರ ಸೂರ್ಯ ಗ್ರಹಣವು ನೀವು ಕಳೆದುಕೊಂಡಿರುವ ಅಥವಾ ಕೊರತೆಯಿರುವ ಎಲ್ಲವನ್ನೂ ಸರಿಪಡಿಸಲು ಉತ್ತಮ ಸಮಯವಾಗಿರುತ್ತದೆ. ನಿಮ್ಮ ಸಂಗಾತಿಯೊಂದಿಗೆ ನೀವು ಚೆನ್ನಾಗಿ ಇರುವಿರಿ. ಕೆಲ ವಿಷಯಗಳನ್ನು ಶಾಂತವಾಗಿ ಚರ್ಚಿಸಿ. ವೃತ್ತಿಪರವಾಗಿ ಇದು ನಿಮ್ಮನ್ನು ಯಶಸ್ವಿಯಾಗಿಸುತ್ತದೆ. ಕೆಲ ವೇಳೆ ನೀವು ಮಾಡುವ ಕೆಲಸ ಕಠಿಣವಾಗಿರಬಹುದು. ಒಟ್ಟಾರೆಯಾಗಿ 2023 ರಲ್ಲಿ ಸೂರ್ಯಗ್ರಹಣದ ಪರಿಣಾಮಗಳು ಸ್ವಲ್ಪಮಟ್ಟಿಗೆ ನಿಮ್ಮನ್ನು ಆತ್ಮಾವಲೋಕನ ಮಾಡಿಕೊಳ್ಳುವಂತೆ ಮಾಡುತ್ತದೆ.
ಸೂರ್ಯಗ್ರಹಣ 2023: ನೆನಪಿಡಬೇಕಾದದ್ದು
ಗ್ರಹಣದ ಸಮಯದಲ್ಲಿ ನೀವು ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಹಲವಾರು ವಿಷಯಗಳಿವೆ. ಅವುಗಳಲ್ಲಿ ಕೆಲವನ್ನು ನೀವು ಅನುಸರಿಸಬೇಕು, ಇತರವುಗಳನ್ನು ನೀವು ಗ್ರಹಣ ಹಂತದಲ್ಲಿ ತಪ್ಪಿಸಬೇಕು:
ಸೂರ್ಯಗ್ರಹಣದ ಅವಧಿಯಲ್ಲಿ ನೀವು ಮಲಗುವುದನ್ನು ತಪ್ಪಿಸಬೇಕು. ಈ ಸಲಹೆ ವಿಶೇಷವಾಗಿ ಹಿರಿಯ ಮತ್ತು ಅಸ್ವಸ್ಥ ಜನರಿಗೆ. ಇದು ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತದೆ.
ಇದಲ್ಲದೆ, ಈ ಸಮಯದಲ್ಲಿ ಆಹಾರವನ್ನು ಬೇಯಿಸುವುದು ಅಥವಾ ತಿನ್ನುವುದನ್ನು ಸಹ ನಿಷೇಧಿಸಬೇಕು. ಇದು ನಿಮ್ಮ ಆರೋಗ್ಯವನ್ನು ಕೆಡಿಸಬಹುದು ಮತ್ತು ದೀರ್ಘಾವಧಿಯಲ್ಲಿ ಸ್ಥಳೀಯರಿಗೆ ತೊಂದರೆ ಉಂಟುಮಾಡಬಹುದು.
2023 ರ ಸೂರ್ಯಗ್ರಹಣದ ಸಮಯದಲ್ಲಿ ಆಸ್ತಿಯನ್ನು ಖರೀದಿಸುವುದು, ಇತ್ಯಾದಿ ಶುಭ ಕಾರ್ಯಗಳನ್ನು ಮಾಡಬಾರದು. ಇದು ನಿಮ್ಮನ್ನು ದೀರ್ಘಾವಧಿಯಲ್ಲಿ ಅಶುಭಗಳು ಮತ್ತು ತೊಂದರೆಗಳನ್ನು ಉಂಟು ಮಾಡುವ ಸಾಧ್ಯತೆಯಿದೆ.
ಜ್ಯೋತಿಷ್ಯದ ಪ್ರಕಾರ ಸೂರ್ಯಗ್ರಹದ ವೇಳೆ ದೇವರನ್ನು ಮುಟ್ಟುವುದು ಅಥವಾ ಪೂಜಿಸುವುದನ್ನು ತಪ್ಪಿಸಬೇಕು. ವಾಸ್ತವವಾಗಿ, ಸೂರ್ಯಗ್ರಹಣದ ಅವಧಿಯ ನಂತರ, ದೇವಸ್ಥಾನ ಅಥವಾ ಮೂರ್ತಿಯನ್ನು ಸ್ವಚ್ಚಗೊಳಿಸಿ ನಂತರ ಪೂಜೆ ಮಾಡಬೇಕು.
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ತುಳಸಿ ಗಿಡವನ್ನು ಪವಿತ್ರವೆಂದು ಪರಿಗಣಿಸಲಾಗಿದೆ. ಆದ್ದರಿಂದ, 2023 ರಲ್ಲಿ ಸೂರ್ಯಗ್ರಹಣದ ಸಮಯದಲ್ಲಿ ತುಳಸಿಗಿಡಕ್ಕೆ ನೀರುಹಾಕುವುದು ಅಥವಾ ಸ್ಪರ್ಶಿಸುವುದನ್ನು ತಪ್ಪಿಸಬೇಕು.
ಗರ್ಭಿಣಿಯರು ಗ್ರಹಣವನ್ನು ನೋಡಬಾರದು. ಅವರು ಹೊರಗೆ ಹೋಗುವುದನ್ನು ತಪ್ಪಿಸಬೇಕು.
ಸೂರ್ಯಗ್ರಹಣ 2023: ಪರಿಹಾರಗಳು
ಸೂರ್ಯ ಗ್ರಹಣದಿಂದ ತೊಂದರೆಗಳಿದ್ದರೆ ಅವುಗಳಿಂದ ಮುಕ್ತರಾಗಲು ಅಥವಾ ಪರಿಹಾರ ಪಡೆಯಲು ಜ್ಯೋತಿಷ್ಯ ಮಾರ್ಗದರ್ಶನ ನೀಡುತ್ತದೆ.ಸೂರ್ಯ ಗ್ರಹಣ ಪರಿಣಾಮ ಆರು ತಿಂಗಳವರೆಗೆ ಇರುತ್ತದೆ ಎಂದು ಭಾವಿಸಲಾಗಿದೆ. ಸರಿಯಾದ ಪರಿಹಾರ ಕ್ರಮಗಳು ಮತ್ತು ಜ್ಯೋತಿಷಿಗಳಿಂದ ಸ್ವಲ್ಪ ಮಾರ್ಗದರ್ಶನಗಳು ದುಷ್ಪರಿಣಾಮಗಳು ಮತ್ತು ಇತರ ಸಮಸ್ಯೆಗಳಿಂದ ನಿಮ್ಮನ್ನು ರಕ್ಷಿಸುತ್ತದೆ. 2023 ರ ಸೂರ್ಯಗ್ರಹಣದ ನಕಾರಾತ್ಮಕ ಪರಿಣಾಮಗಳನ್ನು ನಿಗ್ರಹಿಸಲು ನಿಮಗೆ ಸಹಾಯ ಮಾಡುವ ಕೆಲವು ಸರಳ ಪರಿಹಾರಗಳು ಇಲ್ಲಿವೆ.
*ಎಕ್ಕ ಗಿಡವನ್ನು ನೆಟ್ಟು ನೀರು ಹಾಕಿದರೆ ಉತ್ತಮ ಫಲಿತಾಂಶವನ್ನು ನೀಡುತ್ತದೆ. ಈ ಸಸ್ಯವನ್ನು ನಿಮ್ಮ ಕುಟುಂಬವೆಂದು ಪರಿಗಣಿಸಿ ಮತ್ತು ಅದನ್ನು ಸರಿಯಾಗಿ ನೋಡಿಕೊಳ್ಳಿ.
*2023 ರ ಸೂರ್ಯಗ್ರಹಣದ ಸಮಯದಲ್ಲಿ, ನೀವು ದೇಣಿಗೆಗಳನ್ನು ನೀಡಬಹುದು. ಹಾಗೆ ಮಾಡುವುದರಿಂದ ದುಷ್ಪರಿಣಾಮಗಳು ದೂರವಾಗುತ್ತವೆ ಎಂದು ನಂಬಲಾಗಿದೆ.
*ನಿಮ್ಮ ಜಾತಕದಲ್ಲಿ ಸೂರ್ಯನು ದೋಷಪೂರಿತ ಗ್ರಹವಾಗಿದ್ದರೆ, ಸೂರ್ಯ ಅಷ್ಟಕಮ್ ಸ್ತೋತ್ರವನ್ನು ಪಠಿಸಿ ಮತ್ತು ಈ ಗ್ರಹವನ್ನು ಬಲಪಡಿಸಿ.
* 2023 ರ ಸೂರ್ಯ ಗ್ರಹಣದ ಸಮಯದಲ್ಲಿ ನಿಮ್ಮ ತಂದೆಗೆ ಗೌರವ ಮತ್ತು ವಿಧೇಯರಾಗಿರಬೇಕು.
*ಈ ವೇಳೆ ಆದಿತ್ಯ ಹೃದಯ ಸ್ಟ್ರೋತವನ್ನು ಪಠಿಸುವುದು ಸಹ ಅದ್ಭುತ ಪರಿಹಾರವಾಗಿದೆ.
