ಇಸ್ಲಾಂನಲ್ಲಿ ಹಲಾಲ್ ಹಾಗೂ ಹರಾಮ್ ಎಂಬ ಎರಡು ವ್ಯಾಖ್ಯಾನಗಳಿವೆ. ಯಾವುದು ನಿಯತ್ತಿನದ್ದಾಗಿರುತ್ತದೆಯೋ ಅದನ್ನು ಹಲಾಲ್, ಯಾವುದು ಅನ್ಯಾಯದ ಮಾರ್ಗದಲ್ಲಿ ಬಂದಿರುತ್ತದೆಯೋ ಅಥವಾ ಮನುಷ್ಯರಿಗೆ ಅಥವಾ ಸಾಮಾಜಿಕ ಸ್ವಾಸ್ಸ್ಥ್ಯಕ್ಕೆ ತೊಂದರೆ ಕೊಡುವಂಥದ್ದೋ ಅದು ಹರಾಮ್ ಎಂದು ಹೇಳಲಾಗಿದೆ. ಆಲ್ಕೋಹಾಲ್, ವಧಿಸದೇ ತಾನಾಗಿ ಸತ್ತ ಪ್ರಾಣಿ, ರಕ್ತ ಮತ್ತು ಅದರ ಉಪ- ಉತ್ಪನ್ನಗಳು, ಹಂದಿ ಹಾಗೂ ಹಲಾಲ್ ಪದ್ಧತಿಯಲ್ಲಿ ವಧೆ ಮಾಡದ ಪ್ರಾಣಿಯ ಮಾಂಸಗಳನ್ನು ಕುರಾನ್ ನಲ್ಲಿ ಹರಾಮ್ ಎಂದು ವರ್ಗೀಕರಿಸಲಾಗಿದೆ.
Call to ban Halal certified Products – ಹಲಾಲ್ ಉತ್ಪನ್ನಗಳನ್ನು ಕೊಳ್ಳಬೇಡಿ: ಹಿಂದೂ ಸಂಘಟನೆಗಳ ಆಗ್ರಹ
ಹಲಾಲ್ ಉತ್ಪನ್ನಗಳು ಎಂದರೇನು?
ಇಸ್ಲಾಂ ಧರ್ಮದಲ್ಲಿ ಧಾರ್ಮಿಕವಾಗಿ ವಿಧಿಸಲಾಗಿರುವ ಷರತ್ತುಗಳ ಅನ್ವಯವಾಗಿ ತಯಾರಿಸಲಾಗಿರುವ ಸಾಧನಗಳು, ಉತ್ಪನ್ನಗಳನ್ನು ಹಲಾಲ್ ಉತ್ಪನ್ನಗಳು ಎಂದು ಕರೆಯಲಾಗುತ್ತದೆ. ಇದು ಕೇವಲ ಮಾಂಸಕ್ಕಷ್ಟೇ ಸೀಮಿತವಾಗಿರುವಂಥದ್ದಲ್ಲ. ಬದಲಿಗೆ, ಔಷಧ, ಸೌಂದರ್ಯವರ್ದಕಗಳು ಇತ್ಯಾದಿಗಳಿಗೆ ಅನ್ವಯಿಸಲಾಗುತ್ತದೆ. ಬಹುಮುಖ್ಯವಾಗಿ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಮುಸ್ಲಿಮರು ವಾಸಿಸುವ ರಾಷ್ಟ್ರಗಳಿಗೆ ಆಹಾರ, ಔಷಧ ಅಥವಾ ಸೌಂದರ್ಯ ಸಾಧನಗಳನ್ನು ರಫ್ತು ಮಾಡುವಾಗ ಆ ಉತ್ಪನ್ನಗಳ ಮೇಲೆ ಹಲಾಲ್ ಎಂದು ಮುದ್ರಿಸಲಾಗುತ್ತದೆ. ಕೆಲವು ದೇಶಗಳಲ್ಲಿ ಹಲಾಲ್ ಉತ್ಪನ್ನಗಳನ್ನು ಗುರುತಿಸಲು ವಿಶೇಷ ಚಿಹ್ನೆಯನ್ನು ಬಳಸುವ ರೂಢಿಯಲ್ಲಿದೆ. ಅಂದರೆ, ಆ ಉತ್ಪನ್ನಗಳು ಇಸ್ಲಾಂ ಧರ್ಮದಲ್ಲಿ ಹೇಳಲಾಗಿರುವ ನ್ಯಾಯಯುತ ಪದ್ಧತಿಯಲ್ಲೇ ತಯಾರಾಗಿರುವಂಥವು ಎಂಬ ಅರ್ಥವನ್ನು ಕೊಡುತ್ತವೆ. ಮುಸ್ಲಿಮರು ಯಾವುದೇ ಗೊಂದಲವಿಲ್ಲದೆ ನ್ಯಾಯಯುತ ಪದ್ಧತಿಯಲ್ಲಿ ತಯಾರಾಗಿರುವ ಉತ್ಪನ್ನಗಳನ್ನು ಬಳಸಲಿ ಎಂಬ ಉದ್ದೇಶದಿಂದ ಹೀಗೆ ಗುರುತಿಸಲಾಗುತ್ತದೆ.
ಪ್ರಮಾಣಪತ್ರವನ್ನು ಕೊಡುವವರು ಯಾರು?
ಸೌದಿ ಅರೇಬಿಯಾ ಹಾಗೂ ಮುಂತಾದ ಇಸ್ಲಾಮಿಕ್ ರಾಷ್ಟ್ರಗಳಲ್ಲಿ ಇಂಥ ಪದ್ಧತಿಯಿದೆ. ಅಲ್ಲಿ ಇದಕ್ಕಾಗಿಯೇ ಪ್ರತ್ಯೇಕವಾದ ಮಂಡಳಿ ಅಥವಾ ಇಲಾಖೆಗಳು ಇರುತ್ತವೆ. ಆ ಮಂಡಳಿ ಅಥವಾ ಇಲಾಖೆಗೆ ಉತ್ಪನ್ನಗಳ ತಯಾರಕರು, ತಮ್ಮ ಉತ್ಪನ್ನಗಳನ್ನು ಹಾಗೂ ಅವನ್ನು ತಯಾರಿಕೆಗೆ ಬಳಸಲಾದ ಕಚ್ಚಾವಸ್ತುಗಳು ಹಾಗೂ ಅವುಗಳ ತಯಾರಿಕಾ ವಿಧಾನದ ಸಾರಲೇಖವನ್ನು ರವಾನಿಸುತ್ತಾರೆ. ಅದನ್ನು ಆಧರಿಸಿ ಹಲಾಲ್ ಮಂಡಳಿ ಅಥವಾ ಇಲಾಖೆಯು ಉತ್ಪನ್ನಗಳನ್ನು ಪರೀಕ್ಷೆಗೊಳಪಡಿಸಿ ಅವಕ್ಕೆ ಹಲಾಲ್ ಸರ್ಟಿಫಿಕೇಟ್ ನೀಡುತ್ತಾರೆ.
ಹಲಾಲ್ V/S ಜಟ್ಕಾ ನಂತರ ಆಜಾನ್ V/S ಭಜನ್..! ವಿವಾದದಿಂದ ಸರ್ಕಾರ ದೂರ..?
ಇಂಥ ಪ್ರಮಾಣಪತ್ರಗಳನ್ನು ಕೇವಲ ಒಂದು ವರ್ಷದ ಅವಧಿಗೆ ನೀಡಲಾಗಿರುತ್ತದೆ. ಒಂದು ವರ್ಷದ ನಂತರ ಪುನಃ ಆ ಪ್ರಮಾಣಪತ್ರಗಳನ್ನು ಸಂಬಂಧಪಟ್ಟ ಕಂಪನಿಗಳು ನವೀಕರಿಸಿಕೊಳ್ಳಬೇಕು. ಪ್ರಮಾಣಪತ್ರವನ್ನು ನೀಡುವಾಗ ಅಥವಾ ನವೀಕರಿಸುವಾಗ ಸಂಬಂಧಿಸಿದ ಮಂಡಳಿ ಅಥವಾ ಇಲಾಖೆಯ ಅಧಿಕಾರಿಗಳು ಖುದ್ದಾಗಿ ಕಾರ್ಖಾನೆಗೆ ಆಗಮಿಸಿ ಅಲ್ಲಿ ಬಳಸಲಾಗುವ ಕಚ್ಚಾವಸ್ತುಗಳು ಹಾಗೂ ಉತ್ಪನ್ನಗಳ ತಯಾರಿಕೆಯ ವಿಧಾನಗಳನ್ನು ಪರಿಶೀಲಿಸಿ ಪ್ರಮಾಣ ಪತ್ರ ನೀಡುವುದು ವಾಡಿಕೆ.
ಹಲಾಲ್ ಉತ್ಪನ್ನಗಳನ್ನು ಗುರುತಿಸುವುದು ಹೇಗೆ?
ಹಲಾಲ್ ಪ್ರಮಾಣೀಕೃತ ಉತ್ಪನ್ನಗಳ ಪ್ಯಾಕೆಟ್ ಗಳ ಮೇಲೆ ಹಲಾಲ್ ಅಥವಾ ಆಯಾ ದೇಶದಲ್ಲಿ ಚಾಲ್ತಿಯಲ್ಲಿರುವ ಹಲಾಲ್ ಚಿಹ್ನೆಯನ್ನು ಮುದ್ರಿಸಲಾಗುತ್ತದೆ. ನಮ್ಮಲ್ಲಿ ಐಎಸ್ಐ ಎಂದು ಗುರುತಿಸಿದಂತೆ ಅಲ್ಲಿಯೂ ಅದನ್ನು ಗುರುತಿಸಲಾಗುತ್ತದೆ. ಅದು ಆ ಉತ್ಪನ್ನವು ಹಲಾಲ್ ನಿಯಮಗಳಂತೆ ತಯಾರಾಗಿರುವುದಕ್ಕೆ ಖಾತ್ರಿಯನ್ನು ನೀಡುತ್ತದೆ.
ಹಲಾಲ್ ವಿವಾದದ ಬೆನ್ನಲ್ಲೇ ಪ್ರಾಣಿ ವಧೆಗೆ ಸ್ಟನ್ನಿಂಗ್ ಕಡ್ಡಾಯ? : ಈ ಬಗ್ಗೆ ಸಚಿವ ಪ್ರಭು ಚೌಹಾಣ್ ಹೇಳಿದ್ದೇನು?
ಔಷಧ ಅಥವಾ ಸೌಂದರ್ಯವರ್ದಕಗಳಿಗೆ ಹಲಾಲ್ ಗುರುತು ಅವಶ್ಯಕವೇ?
ಔಷಧ ಅಥವಾ ಸೌದರ್ಯವರ್ದಕಗಳಲ್ಲಿ ಕೆಲವು ಪ್ರಾಣಿಜನ್ಯ ಉಪ-ಉತ್ಪನ್ನಗಳನ್ನು ಬಳಸಲಾಗಿರುತ್ತದೆ. ಉದಾಹರಣೆಗೆ, ಕೆಲವು ಔಷಧಗಳಲ್ಲಿ ಮೇಕೆ, ಕೋಳಿ ಅಥವಾ ಹಂದಿಯ ಉಪ-ಉತ್ಪನ್ನಗಳನ್ನು ಬಳಸಲಾಗಿರುತ್ತದೆ. ಕೆಲವು ಸುಗಂಧದ್ರವ್ಯಗಳಲ್ಲಿ ಆಲ್ಕೋಹಾಲ್ ಅನ್ನು ಬಳಸಲಾಗಿರುತ್ತದೆ. ಕೆಲವು ಸೌಂದರ್ಯವರ್ದಕಗಳಲ್ಲಿ (ಉದಾಹರಣೆಗೆ ಲಿಪ್ ಸ್ಟಿಕ್ ಅಥವಾ ಲಿಪ್ ಬಾಮ್) ಹಂದಿಯ ಕೊಬ್ಬನ್ನು ಬಳಸಲಾಗಿರುತ್ತದೆ. ಇವೆಲ್ಲವೂ ಈ ಕಚ್ಚಾ ವಸ್ತುಗಳು ಇಸ್ಲಾಂನಲ್ಲಿ ಹರಾಮಿ ಎಂದು ಗುರುತಿಸಲ್ಪಟ್ಟಿರುವುದರಿಂದ ಇಂಥ ಉತ್ಪನ್ನಗಳಿಂದ ಇಸ್ಲಾಂ ಧರ್ಮೀಯರನ್ನು ದೂರವಿರಲು ಹಲಾಲ್ ಸರ್ಟಿಫಿಕೇಟ್ ಸಹಾಯ ಮಾಡುತ್ತದೆ.
ಭಾರತದಲ್ಲಿ ಹೇಗಿದೆ ವ್ಯವಸ್ಥೆ?
ಭಾರತದಲ್ಲಿ ಹಲಾಲ್ ಪ್ರಮಾಣ ಪತ್ರವನ್ನು ನೀಡಲು ಸಾಂವಿಧಾನಿಕವಾಗಿ ಸ್ಥಾಪಿಸಲ್ಪಟ್ಟ ಯಾವುದೇ ಸಂಸ್ಥೆ ಅಥವಾ ಇಲಾಖೆಯಿಲ್ಲ. ಹಾಗಾಗಿ, ಭಾರತದಲ್ಲಿ ಕೆಲವು ಮುಸ್ಲಿಂ ಧಾರ್ಮಿಕ ಸಂಘಟನೆಗಳು ‘ಹಲಾಲ್’ ಪ್ರಮಾಣಪತ್ರವನ್ನು ನೀಡುತ್ತಿವೆ. ಆದರೆ, ಭಾರತದಲ್ಲಿ ಇದು ದುಡ್ಡಿನ ದಂಧೆಯಾಗಿದೆ ಎಂದು ಮೂಲಗಳು ತಿಳಿಸಿವೆ. ದುಬೈ ಮೂಲದ ಸಯ್ಯದ್ ಮೊಹಮ್ಮದ್ ಇಮ್ರಾನ್ ಎಂಬುವರು ಭಾರತದಲ್ಲಿ ಹಲಾಲ್ ವ್ಯವಹಾರಗಳ ಅಧಿಕಾರಿಯಾಗಿದ್ದ ಅವರು ಭಾರತದ ಖಾಸಗಿ ಮಾಧ್ಯಮವೊಂದಕ್ಕೆ ನೀಡಿರುವ ಹೇಳಿಕೆಯಲ್ಲಿ ಈ ವಿಚಾರನ್ನು ಪ್ರಸ್ತಾಪಿಸಿದ್ದಾರೆ.
ಅವರು ಹೇಳಿರುವ ಪ್ರಕಾರ, ಭಾರತದಲ್ಲಿ ಹಲಾಲ್ ಪ್ರಮಾಣಪತ್ರವನ್ನು ನೀಡುವಾಗ ಉತ್ಪನ್ನಗಳನ್ನು ಸರಿಯಾಗಿ ಪರೀಕ್ಷಿಸುವುದೇ ಇಲ್ಲ. ಉದಾಹರಣೆಗೆ, ತಿರುವಂತಪುರದಲ್ಲಿರುವ ಒಂದು ಹಲಾಲ್ ಉತ್ಪಾದನಾ ಘಟಕವೊಂದರ ಉತ್ಪಾದನೆಗಳಿಗೆ ಚೆನ್ನೈನಲ್ಲಿರುವ ಸಂಘಟನೆಯೊಂದು ಹಲಾಲ್ ಸರ್ಟಿಫಿಕೇಟ್ ನೀಡುತ್ತದೆ. ಇಂಥ ಸರ್ಟಿಫಿಕೇಟ್ ಅನ್ನು ಪುನಃ ನವೀಕರಿಸುವಾಗ ಆ ಸಂಘಟನೆಯ ಪದಾಧಿಕಾರಿಗಳು ಆ ಘಟಕಕ್ಕೆ ಭೇಟಿ ನೀಡಿ ಅಲ್ಲಿ ತಯಾರಾಗುವ ಉತ್ಪನ್ನಗಳನ್ನು ಹಾಗೂ ತಯಾರು ಮಾಡುವ ವಿಧಾನವನ್ನು ಖುದ್ದಾಗಿ ಅವಲೋಕಿಸಿ ಪ್ರಮಾಣಪತ್ರ ನೀಡುವುದೇ ಇಲ್ಲ. ತಿರುವನಂತಪುರದ ಘಟಕವು ಹಣ ಕೊಟ್ಟು ಅಂಥ ಪ್ರಮಾಣಪತ್ರ ಪಡೆದಿದೆ ಎಂದು ಹೇಳಿದ್ದಾರೆ.
